Подгответе се да поставите целосно нов iPhone или претходно користен iPhone што бил ресетиран.
Научете како да го поврзете новиот iPhone со домашната Wi-Fi мрежа, да поставите лозинка за да ги заштитите вашите информации и да создадете сметка со Apple ИД, за да го подготвите телефонот за вршење повици, праќање текстуални пораки, користење апликации и прегледување веб-страници.
Пред да почнете, бидете сигурни дека вашиот iPhone е целосно полн и вклучен.
Поздравниот екран (Hello screen) покажува дека вашиот iPhone е подготвен за поставување. Изберете го претпочитаниот јазик (во нашата презентација го избираме англискиот (English)) и изберете го вашиот регион како Австралија (Australia).
Во списокот со достапните Wi-Fi мрежи (Wi-Fi networks), побарајте го името на домашната мрежа (network name) Wi-Fi и допрете го.
Овој дел од поставувањето помага да го заштитите вашиот iPhone, па затоа треба да ги прочитате внимателно информациите на екранот.
Чекорот Обнови од резервна копија на iCloud (Restore from iCloud Backup) може да се прескокне. Изберете Не пренесувај апликации и податоци (Don't Transfer Apps & Data).
Ако веќе имате Apple ИД (Apple ID), можете да се најавите (sign in) тука. Ако ви треба ново Apple ИД, допрете на Ја заборавив лозинката или немам Apple ИД? (Forgot password or don't have an Apple ID?) и потоа Создадете бесплатно Apple ИД (Create a Free Apple ID).
Следете ги чекорите за да создадете ново Apple ИД (Apple ID). Запомнете, во ред е да ги дадете личните информации при поставувањето на Apple ИД. Како дел од овој процес за поставување:
Следете ги чекорите на екранот за време на остатокот од поставувањето. Ако не сте сигурни за некоја одлика, можете да ја прескокнете и да ја поставите подоцна. Подолу споменуваме некои важни поставки што треба да ги активирате:
Статусната лента во горниот дел на екранот покажува знаци за Wi-Fi и прием на мобилна мрежа (mobile network). Ако двата знака се бели (white), вашиот телефон е поврзан на Wi-Fi и мобилната мрежа е подготвена за користење!